Në drejtimin e Edi Ramës u mblodhën në selinë e Partisë Socialiste anëtarët e kryesisë. E pranishme ishte edhe Belinda Balluku, e cila u largua nga kabineti qeveritar pas hetimeve të SPAK për akuza që lidhen me tenderat. Po ashtu mbledhjes së kryesisë iu bashkua edhe Elisa Spiropali, e cila u pak ditë më parë u largua nga drejtimi i Ministrisë së Punëve të Jashtme. Punimet e kryesisë së Partisë Socialiste zgjatën për vetëm 30 minuta dhe takimi pati një karakter organizativ. Kryetari Edi Rama kërkoi dialog me bazën socialiste, të intensifikohen takimet me strukturat dhe të ketë një fushatë anëtarësimesh të reja. Pritet që brenda strukturave të Partisë Socialiste të ketë zgjedhje në muajin qershor.