Polonia riktheu përkohësisht kontrollet kufitare me Gjermaninë dhe Lituaninë në mesnatë të dielën, duke thënë se ato janë të nevojshme për të kontrolluar "imigracionin e paligjshëm". Çështja ishte qendrore në zgjedhjet presidenciale të qershorit, ku nacionalisti Karol Naërocki, i cili kandidoi me sloganin "Polonia e para, polakët të parët", mundi ngushtë kandidatin e mbështetur nga kryeministri Donald Tusk.Qeveria e Tusk tani po kërkon të anashkalojë rivalët duke ndjekur një qasje të ashpër ndaj imigracionit. Ministri i Brendshëm Tomasz Siemoniak tha të dielën se vendimi u mor thjesht për të luftuar "imigracionin e paligjshëm" dhe këmbënguli se polakët dhe shtetasit e tjerë të BE-së nuk do të përballen me shqetësime. Në total, 52 pika kontrolli janë ngritur në kufirin me Gjermaninë dhe 13 me Lituaninë, tha ministri. Kontrollet do të zgjasin nga 7 korriku deri më 5 gusht, por mund të zgjaten edhe më tej nëse do të gjykohet e nevojshme.