Vijon monitorimi i qarkullimit rrugor me makinën inteleigjente në të gjithë vendin, për të evidentuar dhe ndëshkuar drejtuesit e mjeteve të cilët nuk zbatojnë rregullat e qarkumillit rrugor. Monitorimi ka vijuar edhe në rrugën e Arbrit, rrugë e cila është hapur pak ditë më parë. Policia rrugore ka bërë me dije se gjatë dy ditëve të fundit në rrugën e Arbrit dhe në rrugët interurbane që lidhen me Tiranën janë pezulluar 30 leje drejtimi, si dhe janë ndëshkuar me masë administrative, 252 drejtues mjetesh, nga këta 141 janë konstatuar në shkelje të dyfishtë apo të trefishtë. Përmes njoftimit zyrat uniformat blu njoftojnë se në rrugën e Arbrit janë konstatuar 11 drejtues automjetesh që qarkullonin me shpejtësi mbi 70 km /h, ku shpejtësia e lejuar është 40 km/h, pasi rruga është akoma në ndërtim.