Një ngjarje e rëndë është shënuar në provincën Asso të Komos në Itali, ku një karabinier qëlloi për vdekje komandatin e tij më armën e shërbimit. Autori i ngjarjes Antonio Milia, vuante nga probleme të shëndetit mendor dhe për disa kohë ishte i shtruar në spitalin San Fermo della Battaglia, për të marrë trajtim mjeksorë për problemin që kishte. Sipas medias italiane Tgcom, karabinieri kishte pak kohë që kishte dalë nga psikiatria, por ishte kthyer menjëherë në shërbim edhe pse duhet të merrte disa ditë pushim për tu rikuperuar plotësisht. Ky i fundit izoloi në kazermë komandatin Doriano Furceri si dhe disa karabinerë të tjerë, ku më pas i kërcënoi ato me armë. Por, për shkak të problemeve me shëndetin mendor, Milia qëlloi drejt Furcerit, duke e lënë të vdekur, si dhe la të plagosur një tjetër polic në gju.