Ndodhitë më të fundit në radhët e policisë së shtetit, por edhe ngjarjet e ndryshme që kanë ndodhur në komisariatett policore, ku kohët e fundit 2 perona kryen vetëvraje brenda qelisë së burgut, kanë shtyrë shefin e policisë së shtetit të zhvillojë një takim me përfaqësues të shërbimit të psikologëve në Policinë e Shtetit. Gjatë takimit, i cili në fokus pati shkërmbimin e mendimeve lidhur me problematikat më të fundit, u fol dhe për dhënien e rekomandimeve përkatëse për përmirësimin e shërbimit të psiklogut, në funksion të vlerësimit të punonjësve të Policisë, të cilët gjatë procesit të punës së tyre shfaqin problematika dhe ngarkesa emocionale. Ky takim erdhi edhe si pasojë e ngjarjes së mbrëmes së të premtes, ku një efektiv policie në komisariatin e policisë Delvinë, i dha fund jetës me armën e shërbimit. Gledis Nano u shpreh se është e rëndësishme që çdo punonjës, në çfarëdo niveli, të jetë i ndërgjegjshëm dhe i përgjegjshëm gjatë kryerjes së detyrës, si dhe gjatë komunikimit apo ndërveprimit me qytetarët. Kreu i policiësë së shtetit, shtoi se që të vlerësohet kjo gjë, duhet që shërbimi i psikologut në strukturat policore të përmbushë në mënyrën më të mirë rolin e tij shumëdimensional. Nisur nga kjo, Nano caktoi për shërbimin e psikologut në Policinë e Shtetit dhe për sektorët përkatës, rishikimin e përshkrimeve të punës së funksionit të psikologut, kijimin e kushteve më të mira të punës dhe të aktivitetit të shërbimit të psikologut në Policinë e Shtetit, rishikimin e programeve të trajnimit për këshillimin psikologjik, si dhe vendosjen e një niveli më të lartë bashkëpunimi me drejtuesit dhe punonjësit e Policisë në strukturat vendore dhe qendrore.