35 vite më parë, konkretisht më 10 gusht 1988, vetëm 2 vite nga shembja e komunizmit më të egër në Europë, do të ekzekutohej me varje, poeti dissident, mësuesi I përkushtuar dhe kërkuesi I lirisë, Havzi Nela. I pabindur ndaj regjimit komunist dhe I etur për dije e shpërndarjen e saj, Havzi Nela do të kryente studimet për mësuesi, e këtë profesion do e zhvillonte deri në fund të jetës së tij, edhe në internim, përjashtuar burgun. Qëndrimet e tij antikomuniste dhe në kërkim të lirisë, do e dërgonin atë nga internimi në internim, për të përfunduar në burg nga ku do të dilte vetëm për tu ekzekutuar, në orët e para të mëngjesit të 10 gushtit. Sakrifica e tij për liri e demokraci, do të vlerësohej vetëm në vitin 1993, kur presidenti i kohës Sali Berisha, pas gjetjes së eshtrave të tij, ku ishte I varroru në këmbë, do t’I jepte atij titullin ‘Dëshmor I Demokracisë’.