Një pronar restoranti 55 vjecar, është akuzuar për tentativë të dyfishtë vrasjeje dhe është nxjerrë para një gjykate, pasi i ka qëlluar dy klientëve që ishin larguar pa paguar birrat e tyre në lokalin e tij në Roussillon, në veri të Isere-s në Francë. Është plagosur rëndë në krah si pasojë një burrë 34 vjecar. Ndërsa tjetri është plagosur lehtë, i goditur vetëm nga ciflat. Të nesërmen e ngjarjs pronari është dorëzuar vetë në komisariatin më të afërt të policisë dhe ka pranuar se ka qëlluar kundër klientëve, por ka mohuar se donte ti qëllonte ata. Qëllimi – sic tha vetë ai – ishte ti trembja, duke qëlluar në ajër. Por versioni i dhënë prej tij ishte i ndryshëm nga imazhet e fiksuara nga kamerat e sigurisë të pranishme në zonë. Në filmime ai nuk mund të njihej por shihej një person që drejtonte pushkën pikërisht drejt dy klientëve që po largoheshin me vrap. Kështu prokuroria e Grenoblës ka hapur tani një hetim penal kundrejt pronarit që donte të vendoste vetë drejtësinë...