Edhe moti nuk e ka ndihmuar aspak Donald Trumpin në daljen e parë publike të tij pas asaj që po konsiderohet gjerësisht si disfatë e tij në zgjedhje. Me rastin e ditës së veteranëve, Trump vizitoi varrin e ushtarit të panjohur në varrezën kombëtare të Arlingtonit në Virxhinia. Nën shiun që binte, Donald Trump, është ndalur për disa minuta para një kurore të madhe me lule, në nder të forcave të armatosura. Në krah të tij, bashkëshortja, Melania. Por, në krah të tij është vetëm një mënyrë së thëni. Zonja e parë në fakt ka arritur për krahu me një ushtarak. I riu në uniformë e ka shoqëruar Melaninë nëpër varrezë. Vetë presidenti ishte pak në distancë. Qartësisht këto ditë, nuk janë aq të qeta për të. E sikur të mos mjaftonte humbja e zgjedhjeve, që nuk e ka pranuar ende, vijnë edhe zërat sipas të cilëve, melania trump është një hap larg divorcit. Dhe fakti që ka mbërritur në arlington përkrah një ushtaraku dhe jo bashkëshortit, sigurisht që mund të lexohet si një konfirmim i thashethemeve. Për sa i takon lukut, melania ishte e shkëlqyer, me një pallto të Dolce e Gabana, 1750 dollarëshe, elegante dhe plot sharm. Pamjet në televizione nuk tregonin se cfarë këpucësh kishte zgjedhur, por padyshim kanë qenë të preferuarat e saj me takë 12-she, christian louboutin apo manolo blahnik. Por për tia mbathur sa më parë nga shtëpia e bardhë, melanias do ti leverdiste të vishte një palë atlete... Pamjet: AFP