Gjykata e Kurbinit ka dhënë masën e sigurië ‘detyrim paraqitje’ për Punonjësi i policisë, David Medani, i cili plagosi tre persona, gjatë sherrit dy ditë më parë në Mamurras. Ndaj efektivit të policisë David u ngrit akuza “Plagosje e rëndë në kapërcim të kufijve të mbrojtjes së nevojshme” dhe “Plagosje e rëndë nga pakujdesia”. Gjithashtu edhe vëllezërit Gjon dhe Rudolf Fufi gjithashtu janë liruar nga Gjykata në detyrim paraqitje. E gjitha nisi gjatë një kontrolli në një lokal për lojërat e fatit, dhe aty policët u kundërshtuan nga Nikoll Fufi i cili u shoqërua dhe më pas u la i lirë. Më vonë ishin vëllezërit Fufi që i kanë dalë para policit për ta goditur, por ky i fundit pasi i ka paralajmëruar, ka nxjerrë armën e tij të shërbimit dhe ka qëlluar në ajër për t’i paralajmëruar, por për shkak të goditjeve të forta që vazhdonin ndaj tij, ka qëlluar në mënyrë të pakontrolluar duke plagosur dy kolegët e tij, Zeken dhe Llejën, si dhe Nikoll Vorfin.