Pas ngjarjes së shënuar mbrëmjen e së mërkurës në Mamurras, ku ku një 51-vjeçar ka mbetur i plagosur me armë zjarri në dorë, policia ka zbardhur detaje nga dinamika e ngjarjes. I plagosur ka mbetur shtetasi me iniciale M. M, i cili ndodhet nën kujdesin e mjekëve dhe jashtë rrezikut për jetën. Pas hetimeve të thelluara nga shërbimet e Komisariatit të Policisë Kurbin dhe Drejtorisë Vendore të Policisë Lezhë, janë identifikuar dhe shpallur në kërkim dy shtetasi Roeni Noka dhe Oligert Ndreca, të dy 18 vjeç. Ata dyshohet se kanë plagosur 51-vjeçarin me armë zjarri, për motive të dobëta, dhe më pas janë larguar nga vendngjarja.