Në orët e para të mëngjesit të kësaj të enjte është vënë në pranga 47 vjecari, Xhevahir Fikaj. Ky I fundit, akuzohet për plagosjen e dy vëllezërve në fshatin e Ri në Shkodër. Fikaj dyshohet se ka plagosur me armë Ilir Grudën dhe ka goditur me sende të forta vëllain e tij Lad Gruda. Uniformat blu të Shkodrës, u shprehën se konflikti, I cili u regjistrua të mërkurën, nisi për shkak të një toke e cila ishte e mbjellë me ullinj dhe që para disa kohësh ishte blerë nga Xhevahir Fikaj. Mirëpo, dy vëllezërit pretendojnë se toka është e tyre dhe jo e personit që ja ka shitur Xhevairit. Kjo mendohet të ketë qenë arsyeja e konfiliktit që më pas u konkludua me plagosjen e dy vëllezërve.Ilir dhe Lad Gruda u dërguan menjehërë në spitalin rajonal të shkodrës për të marrë trajtim mjekësorë, ndërsa bëhet me dije se momentalisht janë jashtë rrezikut për jetën. Materialet i kaluan Prokurorisë pranë Gjykatës së Shkallës së Parë Shkodër, për veprime të mëtejshme.”