Një aksident i rëndë ka ndodhur në një minierë në Bulqizë, ku është plagosur një minator. 31-vjeçari E.B ndodhej në nivelin e 8 në sektorin e Qafës së Buallit, teksa punonte si fadromist është shembur një pjesë e armaturës. Aksidenti është pikasur nga minatorët e tjerë, të cilët ndodheshin në afërsi të frontit të punës ku po punonte ai. Kanë qenë këta të fundit që kanë mundur ta nxjerrin nga inertet e kromit, duke e dërguar minatorin e plagosur menjëherë drejt spitalit të Bulqizës, ku i është dhënë ndihma e parë. Ndërkohë burime pranë spitalit rajon bëjnë me dije se minatori kishte dëmtime në shtyllën kurrizore, cka I ka detyruar ata ta dërgojnë minatorin me urgjencë me helikopter drejt spitalit të traumës në Tiranë. Në pamje që disponojmë shfaqet edhe banorët e zonës, të angazhuar për të ndihmuar në transportimin e minatorit të plagosur drejt helikopterit, nën kushtet e vështira atmosferike, mes borës dhe erës. Aksidentet në minerë për fat të keq janë të përsërita në zonën e Bulqizës, kjo për shkak të kushteve të këqija në të cilat minatorët punojnë.