Për të parandaluar aksidentet rrugore qe vijnë si pasojë e shpejtësise mbi normat e lejuara, policia rrugore e Tiranës ka forcuar kontrollet. Gjatë monitorimit në të dy krahët e aksit Tiranë-Durrës, policia ka kapur drejtues mjetesh që ecnin me shpejtësi shumë të lartë nga 137 km/h deri në 177 km/h, në një rrugë ku shpejtësia maksimale e lejuar është 90 km/h Si rezultat I kontrolleve janë pezulluar gjithsesej 21 patenta, nga të cilat 11 për mbikalimin e shpejtësisë dhe 10 për drejtim mjeti nën efektin e alkoolit. 2 drejtues mjetesh janë arrestuar për drejtim mjeti në gjendje të dehur Policia Rrugore apelon për të gjithë drejtuesit e mjeteve, që të mos abuzojnë me shpejtësinë dhe alkoolin në timon, pasi do të jetë prezente kudo për të parandaluar kërcënimin e jetës në rrugë nga këta drejtues mjetësh që abuzojnë me rregullin dhe normat e sjelljes në rrugë.