Kryebashkiakja e Durrësit, Emiriana Sako u ndal në njësinë administrative të Sukthit ku shpalosi projektet që janë realizuar deri më tani në këtë zonë dhe të tjera që priten të zbatohen nëse Sako votëbesohet më 14 maj. Gjatë bashkëbisedimit me gratë dhe vajzat e kësaj njësie, Emiriana Sako u shpreh se në programin e Partisë Socialiste qëndron edhe investimi për ngritjen e pikave të grumbullimit për fermerët e zonës. Emiriana Sako: Duke folur për programin e ardhshëm 4-vjeçar, kryebashkiakja Sako tha se dy terrene sportive që janë në Sukth do të rikonstruktohen, ndërkohë që investimeve në arsim dhe sport iu vjen në ndihmë edhe Akademia e Sporteve që do të ngrihet pranë universitetit në Spitallë, ku fëmijë të grupmoshave të ndryshme do të stërviten nga trainerë të skuadrës së Manchester City.