Pesë persona kanë grabitur në mënyrë të dhunshme një çift të moshuarish në Pikermi të Greqisë. E gjithë ngjarja ka ndodhur në orët e para të mëngjesit ku mes të dhunuarve ishte edhe ndihmësi i dy të moshuarve. Sipas mediave greke makthi për dy të moshuarit nisi rreth orës 04:45 ku pesë grabitës hynë në shtëpinë e tyre dhe u drejtuan për në dhomën e gjumit. Katër prej tyre qëndruan në dhomë ku ushtruan dhunë sistematike mbi çiftin e të moshuarve, ndërsa bashkëpunëtori i pestë u kërkoi të tregonin vendin se ku gjendeshin paratë. I moshuari i frikësuar u tregoi vendin ku gjendej një shumë prej 400 eurosh, por autorët kishin vijuar ta godisnin për t’i dhënë më shumë. Kur e kuptuan që ata nuk kishin më para, autorët morën sendet e tyre me vlerë, një varëse floriri rreth qafës dhe unazën e martesës së gruas së moshuar. Mediat greke raportojnë se autorët sulmuan gjithashtu edhe ndihmësin e shtëpisë, të cilin para se të largoheshin e lidhën me 93-vjeçarin dhe u hodhën celularët në tualet