Ministria për Evropën dhe Punët e Jashtme ka dal me një njoftim të rëndësishëm ku bëhet me dije se po ndjek me prioritet dhe vëmendje të veçantë situatën e shtetasve shqiptarë në Izrael, të prekur nga zhvillimet e fundit. Sipas informacioneve nga vet ministria deri më tani nuk ka asnjë raportim për qytetarë shqiptarë të lënduar apo të dëmtuar, po ashtu aktualisht janë evidentuar pesë shtetas shqiptarë në Izrael: tre me status turisti dhe dy me qëndrim të përkohshëm. Në njoftimin e Ministrisë për Evropën dhe Punët e Jashtme thuhet se ambasada shqiptare në Tel Aviv është në kontakt të vazhdueshëm me të gjithë shqiptarët . Të gjithë janë në gjendje të mirë shëndetësore, janë të informuar dhe po ndjekin udhëzimet e sigurisë të autoriteteve izraelite. Po ashtu në njoftim bëhet e ditur se për shkak të situatës, fluturimet janë ndërprerë dhe se për çdo informacion shtesë dhe nevoja emergjente, janë dy numra në dispozicion për të kontaktuar me Ambasadën Shqiptare në Tel Aviv në numrat e emergjencës: +972 54 480 6601 +972 54 904 2813 Prej disa ditësh situate me sulmet Izrael- Iran ka përshkallëzuar duke rrezikuar jetën e qindra mijëra njerëzve.