Revista “Time” ka publikuar listën me 100 personazhet më me influencë dhe e para në këtë renditje është këngëtarja shqiptare me famë botërore, Dua Lipa. Puna e saj e madhe për albumin “Future Nostalgia” është shpërblyer plotësisht. Këngëtarja është shfaqur edhe në kopertinën e “Time” duke i vënë kështu vulën suksesit të saj. Legjenda Kylie Minogue, me të cilën Dua bashkëpunoi për remix e këngës “Real Groove” ka shkruar një profil për artisten duke e cilësuar si një yll që shkëlqen. “Dua Lipa është një yll që shkëlqen, që ndez një shteg verbues nëpër kozmosin e pop-i”, ka thënë Kylie Minogue. Këngëtraja australiane ka kujtuar edhe se çfarë i ka thënë dikur babai Dua Lipës, kur kishte nisur rrugën e artit. “Duhet të punosh fort, që të kesh pak fat’, i tha babai i saj kur ajo ishte më e re. Siç duket ajo e ka dëgjuar. Arritjet e saj janë gjithnjë e më të jashtëzakonshme duke pasur parasysh që ajo është vetëm 25 vjeç. Ajo është e dashur, cool dhe e zgjuar. Dhe unë, si miliona të tjerë, pres më shumë dhe madje edhe më shumë nga La Lipa”, ka shkruar Minogue për artisten shqiptare.