“Arsenali bërthamor i Moskës dhe doktrina për ta përdorur nëse integriteti territorial i Federatës Ruse kërcënohet janë arsyet e vetme që pengojnë Perëndimin t’i shpallë luftë Rusisë”, argumenton ish-Presidenti Dmitry Medvedev, aktualish zëvendës kryetar i këshillit rus të sigurisë. Medvedev thotë se Moska do të vazhdojë “operacionin special ushtarak” në Ukrainë derisa “regjimi i neveritshëm, pothuajse fashist” në Kiev të rrëzohet nga pushteti dhe vendi të çmilitarizohet plotësisht. Nga ana e tij, Vladimir Putin, tha të dielën se Rusia është e gatshme të negociojë me të gjitha palët e përfshira në luftën në Ukrainë, por Kievi dhe mbështetësit e tij perëndimorë kanë refuzuar dialogun. Medvedev, i cili konsiderohej si një figurë liberale gjatë presidencës së tij në vitet 2008-2012, është bërë tani një nga mbështetësit më të vendosur dhe më të zëshëm të pushtimit rus të Ukrainës. Ai denoncon rregullisht Perëndimin, të cilin e akuzon se aspiron të shpërbëjë Rusinë për të mirën e Ukrainës dhe nuk kursehet as në kërcenime. “A është Perëndimi gati të nisë një luftë të gjithanshme kundër nesh?” - pyet Medvedev në një artikull të botuar në gazetën Rossiyskaya Gazeta.