Udhëheqësi separatist i serbëve të Bosnjës Milorad Dodik u takua të martën me presidentin rus Vladimir Putin në Moskë disa ditë pasi ai shprehu mbështetjen ndaj agresionit të Moskës kundër Ukrainës, njoftuan mediat ruse dhe serbe. Gjatë vizitës së Dodik në Moskë, dicka e rrallë kjo nga një politikan nga Evropa, presidenti rus vlerësoi "partneritetin strategjik" të vendit të tij me Serbinë. Vizita erdhi mes paralajmërimeve të përsëritura nga Bashkimi Evropian se Serbia duhet të harmonizojë politikat e saj të jashtme me bllokun nëse vërtet synon të bëhet anëtare. Dodik, një anëtar serb i presidencës trepalëshe të Bosnjës, është takuar shpesh me presidentin rus, veçanërisht përpara zgjedhjeve kur ai përpiqej t'i tregonte elektoratit shumë pro-rus të serbëve të Bosnjës se ka mbështetjen e Putin.