Një ngjarje e rëndë ka ndodhur mesditën e së mërkurës në fshatin Bungaj të Mirditës. Mark Gjeta ka përplasur për vdekje në mënyrë të qëlllimshme me automjetin e tij 68-vjeçarin Mhill Gega. Si pasojë e plagëve të marra gjatë aksidentit Mhill Gega ka gjetur vdekjen. Burime nga policia për Top Neës konfirmuan se personi që shkaktoi aksidentin Mark Gjeta dhe viktima Mhill Gega kanë patur konflikte të mëparshme me njëri-tjetrin. Mësohet se autori dhe viktima punonin në një ndërmarrje së bashku rreth 1 vit më parë. Mark Gjeta dhe Mhill Gega gjatë kohës kur punonin së bashku kanë patur konflikte dhe policia i kishte shoqëruar ata në Komisariat për sqarime. Por me sa duket mes tyre situata është agravuar duke sjellë edhe ngjarjen fatale të ndodhur mesditën e kësaj të mërkure me humbjen e jetës së 68 vjecarit Mhill Gega nga aksidenti i qëllimshëm. Nuk bëhët e ditur se çfarë konflikti ka pasur me tyre. menjëhër pas aksidentit të qëllimshëm autori Mark Gjeta është shoqëruar në komisariatin e policisë së Rrëshenit për sqarimin e mëtejshëm të rrethanave të ngjarjes, si edhe është sekuestruar automjeti i këtij të fundit.