SHBA do përballet në një 'përplasje kokë më kokë me një fuqi bërthamore' nëse lejon Ukrainën të lëshojë raketa amerikane me rreze të gjatë veprimi në Rusi, ka paralajmëruar ambasadori në largim i vendit. Marrëdhëniet SHBA-Rusi, tashmë janë në 'pikën më të ulët në historinë e tyre' dhe do të përballen me 'humbje të pakontrolluara' nëse Ukraina merr dritën jeshile, parashikoi Anatoly Antanov. Presidenti i Ukrainës Volodymyr Zelensky u takua me Presidentin Biden muajin e kaluar dhe i tha atij se lëshimi i raketave amerikane ATACMS thellë në territorin rus mund të thyejë ngërçin në luftën që zgjat prej dy vitesh e gjysmë. Presidenti rus Putin tha se një gjë e tillë do të thoshte përfshirje të drejtpërdrejtë të NATO-s në luftë dhe ambasadori i tij, në largim, dha të njëjtin mesazh para kthimit në Moskë. "Amerika nuk mund ta bëjë këtë pasi një katastrofë bërthamore globale do ti prekte të gjithë", tha Antonov duke theksuar se strategët amerikanë, gabohen nëse mendojnë se kjo katastrofë do të prekte vetëm evropën dhe rusinë. "Në Amerikë, ekziston një mungesë vullneti për të pranuar se gjatë dekadave të fundit, Perëndimi, i udhëhequr nga Uashingtoni, ka refuzuar vazhdimisht dorën e shtrirë të bashkëpunimit të Moskës," tha Antonov. “Vit pas viti, SHBA ka shfrytëzuar ushtarakisht territorin evropian, duke kryer valët e zgjerimit të NATO-s drejt Lindjes. Ka organizuar revolucione me ngjyra dhe grushte shteti antikushtetuese, duke e mbërthyer gjithnjë e më shumë Rusinë në një rreth armiqësor dhe për goditjen finale ajo zgjodhi Ukrainën. E gjithë kjo vetëm konfirmon se elitat politike i kanë vënë vetes detyrë jo vetëm të mposhtin Rusinë, por edhe të ruajnë rendin e vjetër botëror, bazuar në rregullat e favorshme për vendet e NATO-s”, shtoi ai. “Ne duam ta ndryshojmë këtë gjendje dukshëm të vjetëruar. Ne duam që të merren parasysh interesat tona të sigurisë.'