Një ngjarje e rëndë ka ndodhur të enjtën pasdite në Portin e Durrësit, ku një punonjëse 25 vjeçare ka gjetur vdekjen e menjëhershme pasi është përplasur nga një trajler i tonazhit të rëndë. Viktima është 25 vjecarja Artineda Haskasa, punonjëse në Portin e Durrësit. Pas përplasjes tragjike të punonjëses së re, është vënë në pranga nga policia e qarkullimit rrugor drejtuesi i mjetit trajler, një 39 vjeçar nga Malieshva e Kosovës. Autoriteti portual Durrës përmes një postimi në rrjetet sociale ka shprehur hidhërimin për ndarjen nga jeta të 25 vjeçares Artenida Haskasa. “E gjithe familja e APD është thellësisht e pikëlluar nga humbja tragjike e koleges sonë Artenida Haskasa. I shprehim ngushëllimet tona të përzemërta familjarëve dhe i gjendemi pranë në këto momente të vështira. Në bashkëpunim me policinë e Durrësit dhe organet hetimore, të gjitha divizionet e APD janë angazhuar maksimalisht në funksion të zbardhjes së rrethanave të ngjarjes tragjike në një territor të rëndësië së veçantë. Uniforma që mbante veshur kolegia jonë mertion respekt dhe mirënjohje pafund”, thuhet në postimin e APD.