Një bari humbi jetën pasi u përplas nga një makinë në aksin rrugor Gjirokastër- Kakavijë. Një autoveturë është përplasur me një furgon dhe ka dalë jashtë rruge duke përplasur bariun, i cili ka qenë 5 metra jashtë rrugës. Drejtuesi i autoveturës tip ‘Nissan’ në përpjekje për të parakaluar furgonin tip ‘Renault’ me drejtues shtetasin D. S ka humbur kontrollin duke dalë nga rruga dhe duke goditur V. G., 60 vjeç Gjithashtu u transportuan për të marrë ndihmë mjekësore dy pasagjerë të cilët janë jashtë rrezikut për jetën. Grupi hetimor po punon për zbardhjen e plotë të rrethanave të aksidentit. Ky aks ka patur fluks të madh udhëtarësh ditët e fundit. Sipas informacioneve mësohet se vetëm në 24 orët e fundit kanë hyrë nga Greqia 6320 persona dhe kanë dalë në drejtim të vendit fqinj 2245 qytetarë.