Reshjet e dendura të shiut, që shkaktuan jo pak përmbytje në vend, i lanë vendin ditëve me diell, por me temperatura shumë të ulëta. Nga orët e mbrëmjes së të martës, vendi është ‘mbërthyer’ nga acari, por panorama në Bënjë të Përmetit duket disi ndryshe. Në një video të publikuar nga fotografi Fation Plaku, shihen dy vajza të cilat i gëzohen ujërave termale të Bënjës, duke mos u ndalur nga i ftohti apo edhe shiu. Java që lamë pas shënoi edhe raste të tjera kryesisht të të rinjve që sfiduan temperaturat jo vetëm në Banjë, por pati edhe të guximshëm që hyn në det.