Prej ditësh moti i keq ka përfshirë Shqipërinë duke sjellë problematika në shumë qytete. Shirat kanë vazhduar edhe në fundjavë, por situata duket më shqetësuese në Lezhë, ku raportohet te jene përmbytur 2 lagje, “11 janari” dhe “Besëlidhja”. Gjithashtu lumi Drin ka dalë nga shtrati në disa zona të saj duke përmbytur sipërfaqe të mëdha me toka bujqësore. Në një lidhje direkte për “Wake Up”, gazetarja e Top Channel, Kristiana Pemaj ka treguar si është situata në këtë qark. “Reshjet kanë qenë intensive këto ditë në qarkun e Lezhës. 3 mijë hektarë toka bujqësorë janë nën pushtetin e ujit, duke krijuar vështirësi për familjet. Kemi pasur vështirësi në bllokimin e rrugëve si pasojë e reshjeve. Në zonën e Kalivaçit është rrëzuar edhe një urë, duke izoluar banorët atje. Zona e Zadrimës është më e prekura sa i takon përmbytjeve. Janë evakuuar disa familje, pasi u kishte hyrë uji në banesa. Edhe Gjadri është ndër zonat më problematike, pasi lumi rrezikon shumë banesa aty pranë”