Qyteti i Shkodrës po përjeton rrezikun më të madh nga reshjet e dendura të shiut, ku që prej mbrëmjes së te shtunës, niveli i ujit ka vënë në rrezik disa banesa. Dy familje në lagjen Ajasem të Shkodrës u evakuuan këtë të dielë nga grupi i shpëtimit dhe grupi alpin i FNSH Shkodër, pasi ishin izoluar nga uji, për shkak të situatës së krijuar nga moti i keq. Policia Shkodër raporton se një nga pjestarët e njërës prej banesave që u evakuua, kishte nevojë për ndihmë mjekësore pasi ishte sëmurë. Ai u nis menjëherë në spitalin e Shkodrës, ku po merr trajtim mjekësorë. Ekipet e shpëtimit kanë dalë në terren me mjetet lundurese që FNSH ka në dispozicion për të qenë në gatishmëri, për cdo rast emergjence, që mund të raportohet nga banorët e Shkodrës. Qyteti I Shkodrës cdo vit, në sezonin vjeshtë dimër, përballet me përmbytje që vijnë si pasojë e reshjeve të dendura të shiut