Dy aksidente tragjike me pasojë vdekjen janë regjistruar në pak minuta në dy vende të ndryshme. Rreth orës 18.50 në fshatin Xibër të Klosit një 39 vjecar humbi kontrollin e automjetit të tij, duke përplasur një këmbësor 47 vjecar. Ky i fundit ndëroi jetë në vend nga përplasja e fortë. Drejtuesi i mjetit u shoqërua në komisariat për veprime të mëtejshme hetimorë. Nga ana tjetër, në orën 19:20, në fshatin Shën e Premte të Divjakës, një 18 vjecar duke drejtuar automjetin e tij tip Benz, përplasi për vdekje një 56 vjecar, i cili po udhëtonte me motojet. Adoleshenti u largua menjëherë nga vendi i ngjarjes, ndërsa shërbimet policore bënë të mundur identifikimin dhe kapjen e tij. Grupi hetimor po punon për zbardhjen e plotë të rrethanave të aksidentit. Ndërkohë 18 vjecari ndodhet në komisariat dhe po merret në pyetje në lidhje me ngjarjen.