Udhëheqësi i Groenlandës ka paralajmëruar se territori i Arktikut duhet të jetë gati për një pushtim amerikan, ndërsa Presidenti Donald Trump mbërriti në qytetin zviceran të Davosit për diskutime të tensionuara mbi të ardhmen e ishullit. Perspektiva e Amerikës, anëtarit më me ndikim dhe më të fuqishëm të NATO-s, që sulmon territorin që i përket një anëtari tjetër të aleancës ka qenë deri vonë, e paimagjinueshme. Një veprim i tillë do të hidhte në erë vetë NATO-n. Administrata Trump ka refuzuar të përjashtojë mundësinë e veprimeve të armatosura për të marrë Grenlandën, megjithëse ka treguar se do të preferonte të blinte territorin. Zyrtarët e Groenlandës dhe Danimarkës kanë thënë vazhdimisht se ishulli nuk është në shitje, ndërsa udhëheqësit evropianë që mbështesin Kopenhagenin dhe Nuukun janë përballur me kërcënime me tarifa nga Trump.