Perëndimi, i cili mbështet Ukrainën dhe ka thënë se nuk do të lejojë që presidenti Vladimir Putin të fitojë luftën, ka thënë vazhdimisht se nuk di asgjë për planet e Ukrainës për të sulmuar Rusinë. Por, zyrtarët rusë thonë se nuk u besojnë deklaratave të tilla. "Sigurisht që ata janë të përfshirë," i tha agjencisë së lajmeve Reuters deputetja ruse Maria Butina. "Kur studioja në Shtetet e Bashkuara, rregulli kryesor ishte: 'Mos zgjo ariun'. Por çfarë po bën Perëndimi sot? Ai po zgjon ariun"- tha ajo. Putin tha të hënën se Ukraina "me ndihmën e perëndimit " po synonte të përmirësonte pozicionin negociues të Kievit përpara bisedimeve të mundshme të paqes. Ministria ruse e mbrojtjes publikoi ndërkohë pamjet që tregonin një dron rus duke shkatërruar një automjet të blinduar luftarak të prodhimit amerikan Stryker në rajonin e Kurskut. Zyrtarët rusë kanë paralajmëruar se nëse armët perëndimore do të përdoreshin në territorin rus, atëherë Moska do ta konsideronte këtë një përshkallëzim të rëndë. Duke sjellë luftën në Rusi, Presidenti ukrainas, Vpolodimir Zelenskiy, përballet ndërkohë me rrezikun e dobësimit të mbrojtjes së Kievit përgjatë frontit në Ukrainë, ndërsa Rusia ka angazhuar tashmë mijëra rezerva në një përpjekje për të zbrapsur ushtarët ukrainas. Dhe nëse Ukraina dëshiron të mbajë territorin rus që ka marrë, do t'i duhet të ndërtojë një logjistikë të sofistikuar