Pasi socialistët paralajmëruan kërkesën për përjashtimin e përkohshëm të Berishës nga jeta parlamentare, edhe demokratët nuk qëndruan duarkryq. Duke mbledhur copëza nga fjalori i kryetarit të grupit parlamentar socialist, Taulant Balla në seancën e 6 nëntorit, demokratët i kërkuan sekretariatit të etikës, përjashtimin e tij me 10 ditë nga punimet parlamentare. Kështu në shkresën e të djathtëve thuhet se Balla ka përdorur gjuhë fyese dhe joparlamentare, ku përfshihen fjalët: “lehni”, “rraca e këtyre”, “ta tregoj unë ty” dhe “gënjeshtar”. Kjo sjellje e deputetit Taulant Balla është e përsëritur, po ai mbetet i pandëshkuar – thonë demokratët në shkresë duke kujtuar, se fyerja dhe kërcënimi ndaj deputetëve të opozitës është i paranushëm dhe duhet të shoqërohet me masën disiplinore përjashtimi me dhjetë ditë nda seanca plenare dhe komisionet parlamentare.