Një 46-vjeçar, i identifikuar si Joao Ferreira da Silva, u vra më pak se 24 orë pasi ishte liruar nga burgu, ku po vuante një dënim me 42 vjet për përdhunimin dhe vrasjen e një fëmije 9-vjeçar. Ngjarja ndodhi në Brazil. Sipas policisë, Ferreira da Silva u qëllua për vdekje nga dy burra të maskuar, të cilët u larguan nga vendngjarja menjëherë pas krimit. Pamjet nga incidenti tregojnë viktimën duke dalë nga një ndërtesë, kur një burrë i armatosur, i maskuar i afrohet dhe i drejton armën. Ferreira da Silva kthehet nga sulmuesi dhe ngre duart në shenjë dorëzimi, por autori qëllon mbi të. Sipas raportimeve, Ferreira da Silva ndërroi jetë në vend. Në vendngjarje policia gjeti tre gëzhoja plumbash. Ferreira da Silva ishte dënuar në vitin 2005 për vrasjen e 9-vjeçarit. Sipas dosjes gjyqësore, ai e kishte tërhequr fëmijën në një shtëpi në ndërtim e sipër, ku e kishte përdhunuar dhe vrarë, duke e varrosur trupin pranë vendit të ngjarjes. Autori u arrestua 10 ditë më vonë, pasi tentoi të sulmonte një fëmijë tjetër.