Një ngjarje tronditëse është shënuar në fshatin Tarazh të Mirditës, ku një e mitur 15 vjeçare është përdhunuar në grup nga 5 persona. Përdhunuesit dhe e mitura banonin në fshatin e Mirditës, në banesa më distancë të afërt me njëri tjetrin. Personi i parë që ka abuzuar seksualisht me vajzën është 32 vjeçari, Artan Kaçori. Mësohet se Kaçori, i ka bërë video dhe foto intime 15 vjeçares, të cilat më vonë ua ka shpërndarë dhe 4 personave të tjerë, ndër të cilët edhe një tjetër i mitur 17 vjeçar. Videot dhe fotot intime të vajzës janë kthyer në materiale shantazhuese për përdhunuesit, nëpërmjet të cilave e kanë detyruar 15 vjeçaren të kryejë marrëdhënie seksuale me ta. Në mes të kërcënimëve dhe abuzimeve të vazhdueshme, e mitura ka vendosur t’u rrëfehet familjarëve, të cilët e denoncuan rastin menjëherë në autoritetet policore. Si rezultat u bë e mundur arrestimi i përdhunuesve: Artan Kaçorri, 32 vjeç, Albert Molla, 27 vjeç, Ermal Tarazhi, 30 vjeç, Nike Lleshi, 44 vjeç dhe i mituri 17 vjeçar. Ndaj tyre është ngritur akuza “Marrëdhënie seksuale ose homoseksuale me dhunë me të mitur të moshës 14-18 vjeç”. Mësohet se e mitura 15 vjeçare ndodhet në një gjendje të renduar psikologjikie teksa shërbimet sociale po kujdesen për rehabilitimin e saj.