Gara për Prishtinën tërhoqi vëmendjen kryesore në balotazhin e zgjedhjeve lokale në Kosovë. Kryeqyteti ka qenë për më shumë se një dekadë simbol i rivalitetit mes Lëvizjes Vetëvendosje dhe Lidhjes Demokratike të Kosovës. Në balotazhin e kësaj të diele po përballen Përparim Rama i LDK-së dhe Hajrullah Çeku i LVV-së. Dallimi mes tyre në rundin e parë ishte vetëm 0.5 për qind. Kandidati për kryetar i Prishtinës nga LDK Përparim Rama, tha se uron që më i miri të fitojë garën për kryeqytetin në balotazh. Pasi hodhi votën e tij në kuti, Rama falenderoi qytetarët për pjekurinë dhe maturinë e tyre të treguar përgjatë zgjedhjeve.