Presidenti ukrainas, Volodymyr Zelensky, ka arritur në Berlin për bisedime kritike, pasi liderët gjermanë njoftuan për një paketë të ndihmës ushtarake në vlerë prej 2.7 miliardë eurosh, që synon ta ndihmojë Kievin për të luftuar kundër pushtimit të Rusisë. “Kam arritur në Berlin”, ka shkruar në Tëitter Zelensky në orët e para të të së dielës, pasi më herët qëndroi në Itali. Zelensky është takuar me presidentin gjerman Frank-Ëalter Steinmeier dhe po ashtu kancelarin Olaf Scholz. “Në kohët më sfiduese në historinë moderne të Ukrainës, Gjermania është krenare të jetë mikja jonë e vërtetë dhe aleatja jonë e besueshme”, shkroi Zelenski në librin e miqve në presidencën gjermane. “Bashkë, ne do të fitojmë dhe do të kthejmë paqen në evropë”, vijoi ai. Dhe këto komente erdhën pasi ministri gjerman i mbrojtjes, Boris Pistorius tha se berlini do të mbështeste ukrainën për sa kohë të ishte e nevojshme. Presienti ukrainas më pas do ti drejtohet qytetit Açen, për të marrë çmimin prestigjioz Charlemagne. Organizatorët thanë se cmimi vlerëson rezistencën e Ukrainës në mbrojtjen jo vetëm të sovranitetit të vendit dhe mbrojtjen e jetës së qytetarëve, por edhe në mbrojtje të evropës dhe vlerave evropiane. Një ditë para se Zelensky të udhëtonte drejt Gjermanisë, Berlini njoftoi për paketën e re të ndihmës që përfshin tanke, sisteme kundërajrore dhe municione.