Pas orësh debate për raportin e Këshillit të Mandateve për heqjen e imunitetit të dpeutetit për Arben Ahmetajn, është gjetur gjuha e përbashkët. Në një mbledhje të posaçme të konferencës së kryetarëve, u vendos që Kuvendit të mblidhet sërish nesër në orën 10:00 për të votuar raportin e heqjes së imunitetit për Ahmetajn. Ndërkohë nga ana tjetër, deputetët e opozitës dhe të magjorancës janë të ndarë në qëndrimet e tyre sa i takon çështjes në të cilën është përfshirë ish-ministri i Financave. Demokratët e konsiderojnë vonesën me votimin e raportit për heqjen e imunitetit të Ahmetajt, si një lëvizje për ti dhënë kohë Ahmetajt që të mund të prishë provat dhe të arratiset. Ndërkohë nga ana tjetër deputetët socialistë kërkojnë që gjithçka t'i lihet në dorë drejtësisë ku nuk mungojnë as këshillat sesi duhet të bëhet puna e gazetarit.