Në të dytin njoftim brenda 24 orësh, prokuroria e Tiranës ka reaguar edhe njëherë për cështjen e dhunës barbare të ushtruar ndaj anëtarëve të familjes Maja në Borizanë. Organi i akuzës i kryeqytetit ka urdhëruar një riekspertim mjekoligjor për dy kushërinjtë Bilbil dhe Jashar Maja, dhe që ri ekspertimi të kryet nga tre mjekë, ndryshe nga njoftimi i mëparshëm ku u caktua vetëm në mjek që të merrej me këtë cështje. Vendimi i dytë i prokurorisë, vjen pas konkluzionit që publikoi mjeku Elton Serani, i cili tha se dëmtimet e dy kushërinjve ishin të lehta e jot ë rënda. Paçka se, Bilbil Maja shkoi në spital me kafkën e çarë ne 3 pjesë, me plagë secila nga 5 cm. Por, sipas Seranit, dëmtimet nuk kanë qenë të rrezikshme për jetën në momentin e shkaktimit të tyre dhe si të tilla hyjnë në kategorinë e atyre dëmtimeve të cilat kanë sjellë për pasojë humbjen e përkohshme të aftësisë për punë në masën 9 ditë.