Të tjera detaje janë zbuluar nga aktiviteti kriminal I klanit të fuqishëm në Elbasan I vëllezërve Hajdar dhe Franc Çopja. Truri financiar që psatronte milionat e siguruara nga trafiku u lëndëve narkotike, dyshohet se ishte Maklen Mici, ndaj të cilit është firmosur urdhër arrest me kërkesë të prokurorisë së posaçme kundër korrupsionit dhe krimit të organizuar. Nga të dhënat e siguruara gjatë hetimit deri më tani, dyshohet se Mici ka transferuar përmes një exchange që ndodhet në afërsi të Bankës së Shqipërisë, miliona euro të klanit kriminal. Nga kërkimet e bëra në Qëndrën Kombëtare të Biznesit, rezulton se Mici është ortak me një tjetër person që drejton një kompani ndërtimi me seli në rrugën e Dibrës. Në dosjen e SPAK, sipas Top Channel, thuhet se ai ishte personi që merrte vlerat e konsiderueshme të parave të dërguara kryesisht nga Franc Çopja, të cilat më pas i investonte në pasuri të paluajtshme dhe jo vetëm. Gjatë aksionit të koduar “Plumbi Artë 2”, spak zbardhi 6 vrasje të organizuara dhe të porositura nga vëllezërit Çopja.