Shtetet e Bashkuara do të përballen me "pasoja të rrezikshme" nëse vazhdojnë me rritjen e ndihmës ushtarake për Ukrainën në vend që të mbështesin një zgjidhje të propozuar ruse që do të shihte Moskën të merrte nën kontroll një pjesë të territorit ukrainas, tha njeriu që shërben si kryediplomati i Presidentit rus Vladimir Putin prej 20 vjetësh në një intervistë. Më shumë se dy vjet e gjysmë pasi Putini urdhëroi një "operacion special ushtarak" kundër Ukrainës në atë që është bërë konflikti më vdekjeprurës në Evropë që nga Lufta e Dytë Botërore, Ministri i Jashtëm rus Sergey Lavrov tha se Kremlini ofron një plan të zbatueshëm për t'i dhënë fund gjakderdhjes dhe shkatërrimit si edhe për rindërtimin e arkitekturës së sigurisë në kontinent. Ai akuzoi aleancën ushtarake të NATO-s të udhëhequr nga SHBA se fillimisht mbolli farat e luftës, një dekadë më parë, dhe po vazhdon të ndezë flakët. "Rusia është e hapur për një zgjidhje politiko-diplomatike që duhet të eleminojë shkaqet rrënjësore të krizës," tha ai. "kjo duhet të synojë t'i japë fund konfliktit në vend që të arrijë një armëpushim." Plani i Rusisë nënkupton që Ukraina të heqë dorë nga provincat kryesisht ruse të Donetskut, Khersonit, Luhanskut dhe Zaporizhzhias, të cilat u aneksuan zyrtarisht nga Moska pas një referendumi të kontestuar ndërkombëtarisht në shtator 2022, si dhe nga Krimeja e okupuar nga rusia në 2014. Kievi gjithashtu duhet të pranojë të braktisë përpjekjen për t'u bërë anëtar i NATO-s apo edhe hapa të tjerë që moskës nuk i pëlqejnë.