Prokuroria e Durrësit ka nisur hetimet për tre persona, të cilët në kundërshtim me ligjin iu merrnin para qytetarëve që parkonin automjetet në dy hapësira publike pa pagesë, në rrugën “Taulantia”. Procedimi në gjendje të lirë nisi për dy vëllezër me iniciale M. V, dhe A. V., si dhe për shtetasin me iniciale R. H., për veprat penale “Punësimi i paligjshëm”, “Fshehja e të ardhurave”, “Moslëshimi i kuptonit tatimor” dhe “Mospagimi i taksave dhe tatimeve”. Zbulimi i aktivitetit të paligjshë të tyre u zbulua si rezultat i intensifikimit gjatë sezonit veror, të punës në terren dhe kontrolleve në subjekte ekonomike të ndryshme, me qëllim parandalimin, konstatimin dhe goditjen e paligjshmërive ekonomiko-financiare. Policia do të vijojë kontrollet dhe bashkëpunimin me qytetarët, për goditjen e kësaj paligjshmërie, nga e cila përfitjnë shtetas të ndryshëm në dëm të qytetarëve.