Nuk ka fitues në supersfidën e javës së 21 të Abissnet Superiores mes partizanit dhe Vllaznisë. Në Air Albania Stadium skuadrat dolën nga fusha e lojës me nga 1 pikë secila teksa e mbyllën këtë 90 minutësh me rezultatin 1-1 duke e mbajtur të pandryshuar gjëndjen e tyre në klasifikim. Vllazniau shfaq shumë agresive në minutat e para të sfidës teksa arriti të fitojë një 11 metërsh. Liridon Latifi e ekzekutoi por Alban hoxha e priti gjuajtjen e tij. Megjithatë arbitri i ndihmuar edhe nga sistemi VAR e përsëriti penalltinë pasi portieri i Partizanit kishte dalë nga vija e portës. herën e dytë Latifi nuk gaboi dhe e dërgoi topin në rrjetë për t'i dhënë avantazhin Vllaznisë. Me kalimin e Minutave Partizani filloi të fitojë terren diuke iu afruar më shpesh portës së zogovic. Gjërat u vështirësuan për shkodranët në fundin e pjesës së parë kur Hakaj u ndëshkua me karton të kuq duke e lënë Vllazninë në inferioritet numerik. Pas pushimit të ndeshjes partizani shtoi sulmet në kërkim të golit të barazimit të cilin e gjeti me Tedi Carën, gol që u konfirmua nga sistemi VAR. Cara në minutat shtesë kishte shansin e artë t'i jepte fitoren Partizanit por u ndal nga tramversa dhe skuadrat dolën nga fusha e lojës me barazimin 1-1