“Është një ves që e kanë shumë njerëz, shumë laikë dhe laike, edhe priftërinj e murgesha. Djalli hyn që andej...” Në një takim me seminaristë që studiojnë në Romë, papa Francesku është ndalur kështu tek pornografia. “Nuk flas vetëm për pornografinë kriminale, si ajo e abuzimit të fëmijëve; ky është degjenerim. Por flas edhe për pornografinë pak më normale. Kini kujdes prej saj”, tha ai. Papa në fakt iu përgjigj pyetjes së një seminaristi që donte të dinte se si sillej ati i shenjtë me botën digjitale dhe mediat sociale. “Besoj se këto gjëra duhet të përdoren, sepse është një progres i shkencës, shërbejnë për të përmirësuar jetën”, tha thënë Papa, por më pas ai ka pranuar: “Unë nuk i përdor sepse kam mbërritur shumë vonë...Kur u zgjodha peshkop, 30 vite më parë, më dhuruan një telefon që ishte sa një këpucë i madh...Dhe unë e refuzova...- tha ati i shenjtë...Ai i këshilloi seminaristët se telefonat dhe të gjitha mjetet e tjera digjitale duhet ti përdorin, por me kujdes. Nuk duhet të humbisni shumë kohë me to, por edhe nuk duhet ti përdorni si mjet për pornografi- porositi ai. “Mendoj se kushdo prej jush ka patur një eksperiencë apo është tentuar nga pornografia në botën digjitale...Nëse mundeni ti fshini ato nga telefoni juaj, fshijini – i këshilloi papa priftërinjtë e ardhshëm, kështu nuk do të tundoheni...E nëse nuk mundeni ti fshini, mbrohuni...është dicka që dobëson shpirtin, djalli hyn që andej....