Kryedemokrati Lulzim Basha ka akuzuar kryeministrin Edi Rama, duke i thënë se ka humbur kontrollin mbi pandeminë. Në një postim në Facebook, Basha shkruan se Rama merret me propagandë dhe sipas kryedemokratit, për faj të kryeministrit qindra shqiptarë kanë humbur jetën nga Covid. “Rama nuk ka asnjë plan për të ndihmuar njerëzit. Spitalet, mjekët e infermierët janë të mbingarkuar dhe pacientët dergjen me orë të tëra në ambulanca”, shprehet Basha. Sipas Bashës, nëse Rama do të kishte shpenzuar 10 për qind të kohës që kalon në instagram për të bërë detyrën e kryeministrit, nuk do të ishim në këtë gjendje. Ai e ka humbur kontrollin mbi pandeminë. Për faj të tij qindra shqiptarë kanë humbur jetën nga covid dhe infeksionet po rriten përditë. Kryedemokrati Basha vijon më tej, duke thënë se Rama nuk ka asnjë plan për të ndihmuar njerëzit. Spitalet, mjekët e infermierët janë të mbingarkuar dhe pacientët dergjen me orë të tëra në ambulanca. Qeveria fsheh shifrat reale të viktimave dhe të të infektuarve. Numri i testimeve është më i ulëti në Europë, njerëzit presin me javë për përgjigjen dhe fatura e barnave dhe trajtimit është e papërballueshme.