Klinika Infektive në kosovë ka njoftuar të shtunën se edhe tre persona kanë ndërruar jetë si pasojë e infektimit me COVID-19. Pacientët, dy nga ta nga Komuna e Prizrenit si dhe një nga Suhareka, thuhet në njoftim, kishin edhe sëmundje të tjera shoqëruese. Në Klinikën Infektive të Qendrës Klinike Universitare të Kosovës, aktualisht janë të shtruar 97 raste me COVID-19. Ndër ta, 45 raste janë duke u trajtuar në reparte me oksigjen dhe përkujdes intensiv.