Kapacitetet e shtretërve dhe të aparateve të frymëmarrjes për pacientët SARS-CoV-2 janë shtuar në spitalet gjermane. Por vendi përballet me mungesa dramatike të infermierëve dhe personelit ndihmës, deklaroi Presidenti i Shoqatës Ndërdisiplinare Gjermane të Mjekëve të Reanimacionit dhe të Urgjencës, Uëe Janssens. Sipas tij vetëm aparatet dhe shtretërit nuk mjaftojnë, kur në të gjithë Gjermaninë mungojnë rreth 3500 deri në 4000 punonjës të specializuar në fushën e reanimacionit.Kryetarja e sindikatës së mjekëve, Marburger Bund, Susanne Johna e cituar nga DË, mendon se së shpejti mungesa e personelit në spitale do të duket qartazi, sepse "gjashtë deri në nëntë përqind e të infektuarve sot pritet të kenë nevojë për t'u trajtuar në spital brenda dy javësh." Ajo shpjegoi se për çdo pacient të sëmurë rëndë me COVID-10 nevojitet një infermiere në repartin e reanimacionit. Kurse Presidenti i Shoqatës së Spitaleve Gjermane, Gerald Gaß, tha se vërtet mungesa e personelit infermieror është "sfida qendrore nëse numri i pacientëve rritet", por ajo mund të përballet me riorganizimin e personelit brenda spitaleve. Sipas tij vetëm një ndër pesë pacientë që shtrohen në spital me koronavirus ka nevojë për trajtim mjekësor intensiv në repartin e reanimacionit.Gjithnjë e më shumë zona në Gjermani konsiderohen tanimë si zona rreziku dhe sipas raporteve në shtypine huaj, kancelarja Angela Merkel po merr në konsideratë vendosjen e një karantine më të butë, e cila paarashikon mbylljen e bareve, restoranteve dhe eventeve publike.