Rritja e numrit të të infektuarve me Covid 19 në Shqipëri është shoqëruar me edhe me një shtim të kapaciteteve mjekësore. Së fundmi, Shtetet e Bashkuara të Amerikës dhe NATO dhuruan për vendin tonë një sasi prej 60 respiratorësh. Në ceremoninë e dhurimit ishte i pranishëm edhe kryeministri Rama, që e cilësoi dimrin sit ë vështirë dhe që do ndikojë jo pak në pandemi. “Dimri do të jetë i vështirë dhe respiratorët janë kuptimplotë në aspektin e ndihmës konkrete në fuqizimin e sistemit. “Respiratorët do të jenë në vijën e zjarrit për të shpëtuar jetë”. Miqtë e mirë në ditë të vështira dhe ashtu si 20 vjet më parë kur lindi kjo marrëdhënie mes Shqipërisë dhe NAOT-s në një moment tejet dramatik për botën, e cila përballej me një përshkallëzim të së keqes në trupin e saj si pasojë e terrorizmit. Kryeministri Rama foli edhe për emergjencat civile, për të cilat tha se tashmë përbëhen nga një trupë moderne dhe me standard europiane. Nga ana tjetër, forcat e NATO-s mund të angazhohen edhe në transportimin e të sëmurëve apo për ndërtimin e qendrave ambulante të fushimit. Plani operacional është pjesë e përgatitjeve të NATO-s ndaj një eventualiteti të intensifikimit të pandemisë. Këto plane përfshijnë edhe krijimin e një fondi mirëbesimi dhe ndërtimin e magazinave për pajisje mjekësore.