Mesa duket pandemisë në vendin tonë po i afron fundi, pasi rastet e infekimit dhe numri i viktimave cdo ditë e më shumë është në rënie, duke dhënë kështu një shpresë për fundin e pandemisë së Covid 19. Dita e fundit e muajit shkurt ka shënuar 36 raste të reja nga 1 mijë e 273 testime të kryera.16 raste janë regjistruar në Tiranë, 3 në Mirditë, Gjirokastër, 2 në Durrës, Lushnje, Vlorë, Delvinë, 1 në Pukë, Kukës, Fier, Mallakastër, Pogradec, Gramsh. Ministria e shëndetësisë ka bërë me dije se në 24 orët e fundit janë shënuar 5 viktima si pasojë e covid 19. Më gjithë përpjekjet e mjekëve betejën me virusin nuk e fituan një qytetar nga Saranda 63 vjeç, një qytetar nga Berati 67 vjeç, një qytetar nga Durrësi 68 vjeç dhe dy qytetarë nga Tirana 72-78 vjeç. Aktualisht në spitalet COVID po marrin trajtim 51 pacientë, nga të cilët 7 janë në gjendje më të rënduar. Po gjatë këtij harku kohorë, janë shëruar 313 qytetarë, duke e çuar numrin e të shëruarve në 265,588 që nga fillimi i epidemisë. Ndërkohë, janë 2,506 pacientë aktivë me covid19 në të gjithë vendin.