Një pjesë e pallatit “Albania” e cila është ndërtesa e parë shumëkatëshe në Beograd, e ndërtuar në vitin 1939, ka dalë tani në shitje për 3,88 milionë euro. Sipas mediave serbe, ndërtesa prej kohësh ka qenë më e larta në Beograd dhe e dyta më e larta në evropën juglindore. Një tender për shitjen e ndërtesës është hapur në janar, duke qenë se Pallati Albania ishte pjesë e një banke të falimentuar të Beogradit. Por ajo që intrigon më shumë se sa nxjerrja në shitje e pallatit, është emri i tij. Përse ka një pallat me emrin Albania në mes të Beogradit duke njohur marrëdhëniet shpesh të trazuara mes dy vendeve. Në fakt, godina e pallatit Albania është shpallur pasuri kulturore në vitin 1984. Pallati është ndërtuar pikërisht në vendin ku ekzistonte shumë kohë më parë Kafe Albania. Ky ka qenë vendi ku takoheshin ata që i mbijetuan asaj që njihet si ‘Golgota shqiptare’. Mbretëria e serbisë luftoi asokohe kundër austro hungarisë dhe fuqive të tjera dhe në 1919, duke mos dashur të dorëzohej, u tërhoq përmes shqipërisë...Dhe sic duket që këndej ka ardhur emri i kafe Albanias, në vitet e pas luftës së parë botërore. Disa hulumtime tregojnë edhe se njëri prej pronarëve të kafesë ishte një burrë i quajtur Mihailo Albanez, që duket se kishte ardhur në serbi nga shqipëria. Në vendin e saj, me të njëjtin emër, u ngrit më pas pallati Albania.