Nga zbatimi i Paktit për Universitetin janë punësuar së fundmi prej disa javësh 210 praktikantë. Stundentët praktikanë do të japin kontributin e tyre për 1 vit në institucione shteterore, por edhe në shoqëri të ndryshme tregtare aksionere. Ministrja e Arsimit, Sportit dhe Rinisë Evis Kushi në një postim në rrjetin e saj social Facebook thotë se ka takuar praktikantët e punësuar në institucionin e drejtuar prej saj dhje është njohur me përvojën e tyre të deritanishme si dhe kanë shkëmbyer së bashku pikëpamje të ndryshme se si ky program mund të zhvillohet akoma më tej. Programi Kombëtar i Praktikave të Punës në administratën publike, synon të përfshijë pjesëmarrësit në një eksperiencë pune të integruar e në ndërveprim me profesionistë karriere në administratën publike, me qëllim përfitimin e një përvoje kualifikuese që ndikon në zhvillimin e aftësive të tyre profesionale dhe njohjen e administratës publike. Deri më sot, që nga nisja e këtij programi dhe përgjatë 5 thirrjeve të tij, janë zhvilluar rreth 3,700 praktika pune dhe janë punësuar afërsisht 1,000 praktikantë me kontratë 1-vjeçare pune.