Pajisja "Dental Slim Diet Control" përdor disa magnete që janë "çimentuar" në dhëmbët e pasmë dhe parandalojnë hapjen e gojës më shumë se 2 milimetra. Ekspertët nga Universiteti Otago në Zelandën e Re thonë se metoda është efektive, pasi kufizon personin përsa i përket ngrënies, por në të njëjtën kohë mundëson të folurit dhe nuk pengon frymëmarrjen. Krijuesit e saj deklarojnë se pjesëmarrësit në studim e kishin mbajtur pajisjen për dy javë dhe humbën mesatarisht 6.36 kilogramë. Pajisja mund të zhbllokohet në rast urgjence. Sidoqoftë, pajisja ka shkaktuar zemërim të madh mes njerëzve në internet, si dhe tek Organizata për Luftën kundër Obezitetit, e cila pretendon se shpikësit e një pajisjeje të tillë e kanë marrë shumë lehtë këtë problem kaq serioz. Sidoqoftë, profesori nga Zelanda e Re, Paul Brunton tregon se pajisja është efikase dhe e sigurt për njerëzit me mbipeshë dhe nuk është e shtrenjtë.