Seanca në Kolegj Zgjedhor për padinë e Adriatik Lapajt ndaj KAS dhe KQZ është shtyrë për shkak të mungesës së dy gjyqtareve që ndodhen me leje vjetore. Lapaj kryetar i koalicionit “Nisma Shqipëria Bëhet”, ka depozituar më 4 gusht pranë Gjykatës Administrative të Apelit në Tiranë padinë me të cilën kërkon mandatin e deputetit për qarkun e Tiranës, duke kundërshtuar vendimet e KQZ dhe KAS. Pak ditë më parë, KAS dhe KQZ rrëzuan kërkesën e tij, duke ia kaluar mandatin e fituar nga Nisma Shqipëria Bëhet në qarkun e Tiranës Ana Dajkos, ndërsa e hoqën atë edhe nga kushërira e tij, Kleana Xhuveli. Lapaj pretendon se është fitues i mandatit nga lista e hapur me votat preferenciale të qytetarëve dhe kundërshton vlefshmërinë e revokimit të dorëheqjeve të Zeqir Kordhonit dhe Kleana Xhuvelit, të cilat KQZ i pranoi. Sipas vendimit të 30 korrikut, KAS e caktoi mandatin për Ana Dajkon si e para në listën e mbyllur të koalicionit. Seanca e radhës do të mbahet më 25 gusht, në orën 10:00.